Ivar Mortensson-Egnund

Ivar Mortensson-Egnund
Statsborgarskap	Noreg
Fødd	24. juli 1857 Alvdal
Død	16. februar 1934 (76 år) Egnund
Yrke	prest, journalist, omsetjar, skribent, lyrikar
Språk	nynorsk
Religion	Den evangelisk-lutherske kyrkja
Far	Morten Mortensen
Ivar Mortensson-Egnund på Commons

Ivar Julius Mortensson-Egnund (24. juli 1857–16. februar 1934), døypt Ivar Julius Mortensen^[1], var ein norsk folkeminnesamlar, målmann, politikar, forfattar, journalist, teolog, omsetjar og filosof, og ein av dei mest allsidige kulturpersonlegdomane Noreg har hatt.

Ivar Mortensson-Egnund er mest kjend for omsetjingane/gjendiktingane sine av Draumkvædet (1905) og Den eldre Edda (1908), men han gav også ut to samlingar med eigne dikt. Han var ein god ven av og samarbeidspartnar med Arne Garborg. Begge kjempa utrøytteleg for landsmålssaka, og fungerte som språkpolitiske motpolar til riksmålsmannen Bjørnstjerne Bjørnson. Dei støtta parlamentarismen til Johan Sverdrup og partiet Venstre, men vonbrotet over den politiske utviklinga i 1880–1890-åra gav dei anarkistiske sympatiar. Seinare orienterte Mortensson-Egnund seg meir i ei teosofisk/antroposofisk retning. Trass i skiftande ideologisk syn hadde han ei urokkeleg kristentru heile livet, og verka i åra 1909–1918 som prest i Den norske kyrkja.

1. ↑ Medan han endå var i skulealder fornorska han namnet til Ivar Mortensson, og i 1918 til Ivar Mortensson-Egnund.